....غربة الروح🖤
الكاتب _محمود صبحي_يكتب
🌾🌾🌾🌾🌾🌾
غُربة الروح
نفْس الوحده ونفس الخوف
نفس الغربه ساكنه الجوف
نسكت نلقى الصمت كلام
نسكت نلقى سكاتنا حروف
نبعد. نهرب . يمكن ننسى
نلقى الحزن يحوم ويطوف
وكل ما نكسر صمت الغربه
نلقى صراخ الوحده كفوف
ولو يسألنا حبيب عن حالنا
نفس الكلمه نقول دي ظروف
نفرح نحزن نضحك نبكي
كله خلاص بقى شئ مألوف
بس كفايه علينا يا دنيا
هو مفيش غير غُربه وخوف
هو مفيش غير حزن ووحده
فين الفرح وليه مكسوف
نفسي بفرحك تيجي وترسي
وفرحك دايماً عنده ظرووف ...
محمود صبحي
تعليقات
إرسال تعليق