🍁🍂كل دا ليه🍂🍁

الشاعر زياد رفعت العربي

يكتب

🍁🍂🍁🍂🍁🍂🍁🍂🍁

كل دا ليه

إتجاهلنا الحب بينا ونسينا إللي كان وكنا،

فاكر لحظة ما إتقابلنا والدنيا إترسمت عشانا،

وكانت الفرحة ببعض جنة،

ليه نسلم للظروف ونسيبها تفرق ما بينا،

ونقول للحب مافيش نصيب ونسيبه مقسوم لغيرنا،

طب ليه من الأول دعانا وكتب الحب قدرنا،

وتعب قلوبنا معانا ويبارك لو يوم غدرنا،

كل دا ليه،

حالنا يتغير بلحظة ما كنا عايشين زي ما إحنا،

من غير كلام صنعنا محنه، وكأن الفراق بيحايلنا،

طب لو فيه حب تاني ساكن كيانك او كياني،

كنا لبعض صارحنا،

لكن العيون زي ماهيا والعشق جواها ظاهر عشقي ليك وعشقك ليا، ولا عن بعض لحظة انشغلنا،

كل دا ليه،

هو الحب صحيح يخوف، عشان كدا خايفين نقرب،

قلي بس حابب اعرف طب ليه من بعض نهرب،

نفس الكلام ساكن في بالنا،

لو على الزمان عليه ندوس ونقوله كان مالك ومالنا،

ليه بتغير النفوس وتبدل في ثواني حالنا.

كل دا ليه.

ــــــــــــــــــــــــــــــــــــــــــــــــ

بقلم / الشاعر زياد رفعت العربى

🍁🍂🍁🍂🍁🍂🍁🍂🍁🍂🍁

رابطة الكتاب العرب