....سوق السعادة🖤
الكاتب/ الشاعر شاذلي محمد عبد الرحمن/ يكتب
💫💫💫💫💫💫💫💫💫💫💫💫
♡♡♡♡♡♡♡ سوق السعادة ♡♡♡♡♡♡♡
قرب هنا ، هنا عندنا
عندنا الحلو ، والحلوين
وإياك تلف شمال ويمين
عرايس متزوقين
لطلباتك جاهزين
ما تقولنا يا بيه ؟
طلباتك إيه ؟
يلا يلا ، نشتري ، شوية سعادة
أصل دي ، بقى نوعها غالي ، شحيح يا سادة
بس لما تلاقي منها ، هات زيادة
دى النصيحة ، يابني ليك ، وخدها عادة
روحت سوقها .
ولما جه البياع ، يبيعلي
قالي حاجة
قالي عايز إيه يا ولدي ؟ وبصلابة .
صوته كان غرقان ، في بحر من الكآبة
جاتلي ضحكة ، أكيد خفية ، وبلطافة
مجانية 100 , 100 ، من الغرابة
عرفت منها ، إني طبعا ، زبون خيابة
جيت بدور ، ع اللي ناقص ، وبطيابة
روحت تاني ، لحد غيره ، تاتة تاتة
جيت وفي الدكان ، طلعلي ، شوال غتاتة
قالي عايز إيه يا سيدي ؟ وبتباتة .
قولته الضحكة اللى عندك ، وشها عكنني يابا .
قالي ده هو اللي عندي ، وبصراحة
قولت أدور على تاجر ، عنده حاجة
روحت تالت ، ولا رابع ، وفي النهاية ،
ولا حاجة .
فجأة فرحة ، جوة مني ، طمنتي
عرفتني ، إن سوق الناس ياعمري
ع البلاطة .
وإن طلبي ، قصاد عينيا .
واللي مطلوب ، بس مني .
العبادة .
كل ما تطلب سعادة ، هات سجادة
ركعتين ، ودعاك لربك . كل حاجة
دي السعادة ، تمنها غالي ، مدفوع يا سادة
جات بفضله ، ورحمة منه ، وبزياده
والرسول ، وشفاعته لينا ، يوم القيامة
دا الرضا . معني حقيقي للسعادة
****************************
كلماتي / شاذلي محمد عبدالرحمن حسين
تعليقات
إرسال تعليق