🌹وشوشة🌹

  الشاعر أمين مراد

يكتب

🌹🌹🌹🌹🌹🌹🌹

🌹🌹🌹🌹🌹🌹🌹🌹🌹

.      "وشـــــــــــــــوشــــــــــــة"

         بــــقـــلــمـ✍️ أمين مراد 

كلمة طلعت من لساني

فهمها صاحبي ف زحل

و صيني فوق الجبل 

و أنت و دنك عجين

و العقل براني..

أسمعني و لا متسمعنيش

أفهمني و لا متفهمنيش

كلامي سكته مفروده

من غير لف و لا تهويش

أنا إنسان

ملوش ف اللف و الدوران 

و واقف فوق جبال كتمان

عشقت الفضفضة و البوح

في أرض الصُم و العميان

أنا إنسان بيضحك 

عمال على بطال

و حاله إن مال

برضو تشوفه

 عال العال

ضحكته واسعة ممدودة

 بس جواها بكا و أحزان

أنا و نفسي متصالحين

و عشرة عمر سنين و سنين

لا عمري شوفتها مغرورة 

و هي شايفاني عليها أمين

كرهت الكدب كرهت الغش 

و التخوين..

كرهت ضحك بهتان 

ملوش عناوين..

أنا واضح وضوح الشمس

وسط الضلمة و الكوابيس

طيبتي مرفوضة 

وحيدة م ليها أنيس

لكني سعيد و هفضل أعيد

كل حكاوي الفرح و التغريد

هلحن من الوجع مليون ضحكة 

و هلضمها ف مليون عيد..

🌹🌹🌹🌹🌹🌹🌹🌹🌹🌹