🌹اتغيرت كثير علشانك🌹
الشاعر والأديب زياد رفعت العربي
يكتب
🌹🌹🌹🌹🌹✍✍🌹🌹🌹🌹🌹
إتغيرت كتير علشانك،
وانت أبداً ما اتغيرت،
أنا اللي تُبت ما بين احضانك،
وانت ما تُبت وليا هجرت،
طب ليه كدا تجرحني وفجأة،
تبعد عني ولا فكرت،
إن مشاعري راح تدَمر،،
ولا لدمع عيوني أخترت،
صبرني ربي كتير على حبك،
تعبلي قلبي وفيك إحترت،
نسيتني ليه عمري انا ما نسيتك،
كان وعد عليا قطعته وشرط،
يا ويل قلبي لما بُحبك،
كان سهران ولا ليه عَبرت،
واقول يمكن بكرا تجيني،
وتحس ازاي بعذابي صَبرت،
لكن طالت نظرة عيني،
يأسي قتلني ليه أخرت،
منا كان قلبي خالي من غيرك،
ايه خلاك ليه إستعمرت،
بنيتلي حصوني وبُناك كان عالي،
وبنفس الأيد بسرعة هدمت،
كان مالك انت بس ومالي،
كرهتني في حبك وندمت.
إتغيرت كتير علشانك،
وإنت أبداً ما اتغيرت.
ـــــــــــــــــــــــــــــــــ
بقلم / الشاعر زياد رفعت العربى
🌹🌹🌹🌹🇪🇬🇪🇬🌹🌹🌹🌹
تعليقات
إرسال تعليق