يلا يا حروفي... للشاعرة.. إحسان صادق

😍 يلا يا حروفي😍

يلا...... يا حروفي

إقتلي حزني وخوفي

وإوعي تقولي يا كسوفي

بصي قدامك وشوفي

يلا يا حروفي إرسمي

الامل جوه روحي ولوني

إنقشي حلمي علي كفوفي

يا حروفي أنا جاية متشوقه

وحلمي شايفاه قدامي

عروسة حلوة متزوقة

خليكي دايما واعية

عاقلة كده ومفوقه

إوعي في يوم تتغربي

يلا إرقصي علي عزف قلبي

قوام قومي يلا وطبطبي

واول ما أناديكي يا حروفي

إجري بسرعة و لبي

بعتري يا حروفي وردي

إرسي كده يلا وهدي

و الظروف واجهي وعدي

وإوعي في يوم

تمشي وتسيبيني لوحدي

أنا من من غيرك بعيش غربتي

يلا يا حروفي نوريلي سكتي

وإحضني أملي في بكره

قولي كل اللي جوايا

يلا قوام كده عبري

وعطري بعبيرك دنيتي

بقلمي / إحسان صادق.