...الدين والسياسة🌙🌟
الكاتب_ د علي مسلم عجمي_ يكتب
🌙🌙🌙🌙🌙🌙🌙🌙🌙🌙
الدين و السياسة
---------------------للشاعر د. علي مسلم عجمي
لمّا الدِّين يدخل بالسياسي/ ـه
بيخِلق تفرقة و حقد و مـآسي
الدين رسالتو شرع و محبي/ ـة
و تسامح في أصولو الخير راسي
ما عندو تفرقة بأديان ربـي
و لا عندو مناصب أو كراسي
المؤذن عند ما يبلش يلبـي
الندا لله. لكنيسة بحماسي/ة
صوت جراسها مع كل هبي/ة
بيمتزجوا سوى بأقوى قداسي/ة
السياسة نَهرها مش عا مَصبّي
بيني و بينها بْحـار و رواسي
السِّلِم نهجي و دعوة مستتبي
تنشر سِلِم و تبيـد الشراسي/ة
و من عيون التكافل كنز عَبّي
بتضامن كنـز من خزان ماسي
الشرايع كلها نزلت تربي
على التقوى و جرح خيّك تواسي
و بوحدة إيد. شر المستخبي
مسيحي و مسلم يهبوا سواسي
يا أرض استقبلي و يا سما صُبي
رحمـة ربنـا بـمَيِّه طهـورة
تطهر كل أنواع النجـاسي/ة
الشاعر… د.علي مسلم عجمي
لبنان
تعليقات
إرسال تعليق